Әнші Бүркіт енесін «мама» деп атамайтынын айтты
Әнші Бүркіт «Көреміз» бағдарламасында енесін «мама» деп атамайтынын айтты. Себебі екеуінің арасы 5 жас. Сұхбатта енесі Аишамен танысу тарихын да баяндады.
Фото: ашық дереккөзден
Әнші Бүркіт «Көреміз» бағдарламасына сұхбат беріп, алғаш рет енесі жайлы әңгімеледі. Өнер иесі енесін «мама» деп атамайтынын жеткізді. Себебі екеуінің арасы небәрі 5 жас.
Бұл туралы Qazaqtoday.info сайты хабарлайды.
«Мама деп айтпаймын. Бұл кісі менен 5-ақ жас үлкен. Қалай мен мама деп айтамын? Міне менің мамам, біреу-ақ», – деді ол.
Сонымен қатар әншінің енесі оның Аишамен қалай танысқанын баяндады. Оның айтуынша, ол ең алғаш Аишаны концертке шақырған.
Бүркіт (Айбек Жансейітов) – қазақстандық танымал эстрада әншісі, композитор, продюсер әрі актер. Ол 1978 жылы 12 шілдеде Тараз қаласында дүниеге келген. Әншілік мансабын 2000 жылдардың басында бастап, көңілді әрі ырғақты әндерімен көпшілікке танылды. «Тау-тау сезім», «Туған жер», «Мекенім Қазақстан», «Қолымнан ұста» сияқты әндері тыңдарманға кеңінен мәлім.
Әнші жұбайы Аишамен (шын есімі – Виктория Жансейітова) бірге шығармашылықпен айналысады. Ерлі-зайыптылар 2010 жылы шаңырақ көтерген. Бүгінде олардың екі ұлы мен екі қызы бар. Бүркіт музыкадан бөлек, кино саласында да өзін сынап, режиссер және актер ретінде бірнеше жобаға қатысқан.
