Көкшетауда сот жүйесі қызметкерінің денесі табылды: екінші жағдай
Көкшетауда Ақмола облыстық сотының ішкі қауіпсіздік бөлімі қызметкерінің денесі табылды. Полиция болжамды суицид бойынша қылмыстық іс қозғады. Бұл — соңғы айлардағы екінші жағдай.
Фото: freepik
Көкшетауда Ақмола облыстық сотының ішкі қауіпсіздік бөлімінің қызметкері қайтыс болды. Оқиғаға қатысты тергеу жүріп жатыр.
Бұл туралы Qazaqtoday.info сайты хабарлайды.
Полиция болжамды суицид дерегі бойынша қылмыстық іс қозғалғанын растады. Тергеушілер қазір оқиғаның мән-жайын анықтап жатыр.
Бұл — соңғы айларда Көкшетауда сот жүйесі қызметкерінің қайтыс болуына қатысты екінші жағдай. Қыркүйекте қалалық сот әкімшілігінің 27 жастағы басшысының қаза тапқаны белгілі болған.
Оның туыстары марқұмның жұмыста үнемі моральдық және психологиялық қысымға ұшырағанын мәлімдеген еді. Алайда Сот әкімшілігі бұл айыптауларды жоққа шығарған.
