Атырау маңында Орал өзені жағалауындағы қамыс өрті сөндірілді
Атырау қаласы Дамба ауылы маңында Орал өзені жағалауындағы қамыс өрті 1 гектар аумақта толық сөндірілді, зардап шеккендер жоқ.
Сурет: Видеодан скриншот
31 қазанға қараған түнде Атырау қаласындағы Дамба ауылынан шамамен 6 шақырым жерде, Орал өзенінің жағалауында қамыс өртенді. Бұл туралы Төтенше жағдайлар министрлігі хабарлады.
Бұл туралы Qazaqtoday.info сайты хабарлайды.
Министрлік мәліметінше, өрт сөндіру бөлімшелері оқиға орнына жеткенде өрт ошағының көлікпен жетуге қиын аумақта орналасқаны, сондай-ақ арнайы өрт сөндіру техникасына арналған кіреберіс жолдардың жоқтығы анықталған.
«Өрт орнына жеке құрамды жеткізу үшін жүзу құралдары пайдаланылды. ТЖМ қызметкерлері өртті сөндіру жұмыстарын ұйымдастырып, жалынның одан әрі таралуына жол бермеді. Қабылданған жедел шаралардың нәтижесінде өрт 1 гектар аумақта толық сөндірілді. Зардап шеккендер жоқ», — делінген министрлік хабарламасында.
