Қазақстанда Қазақстан есімді 28 адам тұрады – Ұлттық статистика бюросы
Ұлттық статистика бюросы Қазақстанда Қазақстан есімді 28 адам, Отан есімді 128 адам, Астана есімді 25 адам және Тәуелсіздік есімді бір азамат тұратынын хабарлады.
Сурет: istockphoto
Ұлттық статистика бюросының мәліметінше, елімізде Қазақстан есімді 28 азамат бар. Олардың 27-сі ер адам, біреуі әйел. Бұл есімді адамдардың басым бөлігі Қарағанды облысында тұрады.
Бұл туралы Qazaqtoday.info сайты хабарлайды.
Сонымен қатар Отан есімін 128 адам иеленсе, 25 адамның есімі Астана. Тәуелсіздік есімді азамат та бар.
«Қазақстан Республикасы стратегиялық жоспарлау және реформалар жөніндегі агенттігі Ұлттық статистикасы бюросының деректеріне сай, Қазақстанда Республика есімді адам да, елді мекен де жоқ. Десе де Қазақстан есімді 28 адам тіркелген, олардың 27-і ер адам болса, біреуі әйел. Мұндай есімді адамдардың көбі Қарағанды облысында тұрады», – дейді ҚР Ұлттық статистика бюросының маманы Жансая Қайранбаева.
