Қайрат Нұртас концертін ұйымдастырушы үйқамаққа жіберілді
Шымкентте 10 қазанда өткен Қайрат Нұртас концертіндегі кептелістен кейін ұсталған ұйымдастырушы үйқамаққа жіберілді. Сот қамауға санкция бермеді.
Шымкентте өткен Қайрат Нұртастың концертінен кейін ұйымдастырушы қамауға алынған болатын. Бүгін ол үйқамаққа жіберілді.
Бұл туралы Qazaqtoday.info сайты хабарлайды.
Аталған концерт 10 қазан күні өткен. Сол кезде көрермендер ішке кіре алмай, бірін-бірі таптап кете жаздады. Тіпті бір қыз адамдардың аяғының астында қалып, жансақтау бөліміне түскен.
Осы оқиғадан соң концерт ұйымдастырушысы ұсталып, қамауға алынды. Сот күдіктіні қамауда ұстауға санкция беруден бас тартқан.
