Абай мен Жетісу облыстарының ортасындағы жолдың сиқы осы: жөндеуге кім жауапты?

Фото: ашық дереккөз

Ақтоғайға апаратын жолдың әбден тозығы жеткені әлеуметтік желіде қызу талқыланып жатыр.

Желіде тараған видеодан жолдың ойылып, шұрық-тесік болып кеткенін көруге болады. Абай мен Жетісу облыстарының арасындағы бұл жолмен тұрғындармен қатар ауыр жүк көліктері де қатынайды. Видео авторының айтуынша, аталған бағытты «Қазминералс» компаниясына қатысы бар жүк көліктері де пайдаланады.

Алайда жолдың кімнің қарамағында екені және оны жөндеуге қай мекеме жауапты екені әлі белгісіз. Тұрғындар жолды қашан жөндейтінін сұрап, облыс әкімдіктері мен жауапты мекемелерден нақты жауап күтеді.

Видео: @chukeyev_akhmet