Қызылордада судья 9 жылға сотталып кетті
Фото: gov.kz
Бұл туралы ҚР Ұлттық қауіпсіздік комитетінің ресми сайты жазды. Оларды биыл ірі мөлшерде пара алу дерегі бойынша ҰҚК ұстаған болатын, деп хабарлайды Qazaqtoday.info ақпарат порталы.
– 2026 жылдың 18 қыркүйегінде Қызылорда облысы, Қазалы аудандық сотының төрағасы Д.Әбдіқалықов пен судья С.Бертайға қатысты сот үкімі шығарылып, оларға 9 жыл мерзімге бас бостандығынан айыру жазасы тағайындалды.
Аталғандар ҚР Қылмыстық кодексінің 366-бабы 3-бөлігінің 2-тармағында және 366-бабы 3-бөлігінің 2, 4-тармақтарында көзделген сыбайлас жемқорлық қылмыстарды жасағаны үшін кінәлі деп танылды, – делінген ресми мәлімдемеде.
Жаза кетейік, биылғы жылдың қаңтарында оларды ірі мөлшерде пара алу дерегі бойынша ҰҚК ұстаған еді.
Бүгінде сыбайлас жемқорлыққа қарсы іс-қимыл бойынша жүйелі жұмыс жалғасып жатыр.
