Ақтауда балықтан уланған 9 жасар баланың жағдайы ауыр
Ақтауда ысталған балықтан уланған 9 жасар бала ауруханаға ес-түссіз күйде жеткізіліп, жансақтау бөліміне жатқызылды. Дәрігерлер оған ботулизм диагнозын қойды.
Фото: freepik
Ақтауда ысталған балықтан уланып, ауруханаға түскен 9 жастағы баланың жағдайы ауыр. Дәрігерлер оған ботулизмнің ауыр түрі деген диагноз қойды.
Бұл туралы Qazaqtoday.info сайты хабарлайды.
Бала ес-түссіз күйде жеткізіліп, жансақтау бөліміне жатқызылды. Оған ботулизмге қарсы сарысу енгізілген.
Айта кетейік, 19 қыркүйекте Басқұдық ауылында ысталған балық жеп уланған үш ересек адам мен кәмелетке толмаған бір бала ауруханаға жатқызылған еді. Қалған науқастардың да жағдайы ауыр.
