Қазгидромет: 10 қыркүйекте бірқатар қалада ауа сапасы нашарлауы мүмкін
«Қазгидромет» 10 қыркүйекке арналған болжамын жариялады: Алматы, Өскемен, Ақтөбе, Қарағанды, Теміртау және түнде Семей, Атырау, Жезқазған қалаларында қолайсыз метеожағдай күтіледі.
Сурет: istockphoto
«Қазгидромет» РМК еліміздегі ауа сапасына қатысты болжамын жариялады.
Бұл туралы Qazaqtoday.info сайты хабарлайды.
Хабарламаға сәйкес, 10 қыркүйекте Алматы, Өскемен, Ақтөбе, Қарағанды және Теміртау қалаларында, ал түнде Семей, Атырау, Жезқазған қалаларында қолайсыз метеорологиялық жағдайлар күтіледі.
Қолайсыз метеорологиялық жағдайлар дегеніміз – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Осындай жағдайлар кезінде елді мекендердегі атмосфералық ауаның сапасы нашарлауы ықтимал.
