Трамп Иранның тоғыз кемесі жойылғанын мәлімдеді
АҚШ президенті Дональд Трамп американдық күштер Иранның тоғыз кемесін жойғанын мәлімдеп, соққыларды жалғастыру ниетін ескертті. Бұған дейін АҚШ Орталық қолбасшылығы бес ирандық мұнай танкері жойылғанын хабарлаған.
Сурет: inbusiness.kz
АҚШ президенті Дональд Трамп американдық күштердің Иранның тоғыз кемесін жойғанын хабарлап, соққыларды жалғастыру ниетін ескертті. Бұл туралы ол Техасқа ұшу алдында журналистерге айтты.
Бұл туралы Qazaqtoday.info сайты хабарлайды.
«Біз олардың (Иранның) тоғыз кемесін істен шығардық. Бұл шабуылдардың артында біз тұрмыз деп айтар едім. Сіз тағы да әлдеқайда көп нәрсені көресіз (мұндай соққыларды)», — деді Трамп.
Бұған дейін АҚШ-тың Орталық қолбасшылығы Парсы шығанағы мен Ормуз бұғазы аймағында Вашингтон мен Тегеран арасындағы қақтығыстың жаңа шиеленісуі аясында Иранның бес мұнай танкерін жойғанын мәлімдеген еді.
Американдық әскери қолбасшылықтың деректеріне қарағанда, операция сейсенбіде Иранның Ислам революциясының сақшылар корпусы соңғы екі күнде АҚШ Әскери-теңіз күштерінің кемесіне баллистикалық зымырандармен екі рет шабуыл жасауға әрекеттенгеннен кейін жүргізілді.
