Алматыда қызбен таныспақ болып, жанжал шығарған жігіт ұсталды
Алматыда қызбен таныспақ болып, ол келіспеген соң су шашып, әдепсіз ишара көрсеткен жігіт ұсталып, сот оны әкімшілік қамаққа алды.
Сурет: Видеодан скриншот
Алматыда бір жігіт қызбен танысуға тырысып, ол бас тартқан соң жанжал шығарған. Оқиға қалалық Полиция департаментінің мәліметіне сүйенген turkystan.kz сайтында жарияланды.
Бұл туралы Qazaqtoday.info сайты хабарлайды.
Әлеуметтік желіде тараған ақпаратқа қарағанда, жігіт дәмханалардың бірінде қызға танысу ұсынысын білдірген. Бірақ қыз келіспеген. Сонда жігіт ашуланып, қыздың үстіне су шашып, әдепсіз қимыл көрсеткен. Осыдан кейін қыз полицияға арызданған.
Бостандық ауданының полиция қызметкерлері жігітті анықтап, ұстаған. Оған қатысты ұсақ бұзақылық туралы іс құжаттары сотқа жолданған.
Сот отырысында ер адам кінәлі деп танылып, оған әкімшілік қамаққа алу жазасы тағайындалған.
