«Жаға жыртысуға дейін барды»: Түркістан облысындағы мектепте ата-аналар мен мұғалімдер жанжалдасты
Фото: видеодан скрин
Түркістан облысы Сарыағаш ауданындағы №67 Т.Тәжібаев атындағы мектепте Білім күні қарсаңында ата-аналар мен мұғалімдер арасында жанжал шықты.
Әлеуметтік желіде тараған видеода мектеп ішіндегі сөз таласы ушығып, тараптардың бір-бірін итеріп, жұлқыласқаны көрінеді. Оқиғаның нақты неден басталғаны әзірге белгісіз. Айта кетейік, бұған дейін осы мектептің бір топ мұғалімі басшылыққа қатысты шағым айтып, білім ордасында ақша жиналатынын және қысым көрсетілетінін мәлімдеген еді. Сол кезде Түркістан облысының білім басқармасы жағдайды тексеру үшін арнайы комиссия жіберген. Ал жаңа оқу жылы қарсаңындағы жанжалға қатысты құзырлы органдардың қандай шара қолданғаны әзірге хабарланған жоқ.
Видео: @tugyr.kzz
