Маңғыстау облысында 205 келі бекіре балығы тәркіленді
Фото: gov.kz
28 тамызда Ақтау қаласында Маңғыстау облысы полиция департаменті криминалдық полиция қызметкерлері ЖБО, ЖҚАЖ және патрульдік полиция батальоны қызметкерлерінің қатысуымен жүргізілген жедел-іздестіру іс-шаралары барысында Toyota Camry автокөлік жүргізушісін тоқтатқан, деп жазады Qazaqtoday.info ақпарат порталы.
Автокөлікті тінту барысында жүксалғыштан сегіз пакетке салынған жалпы салмағы 205 келі болатын 50 дана бекіре балығы табылып, тәркіленді.
Аталған дерек бойынша ҚР ҚК-нің 339-бабының 1-бөлігімен қылмыстық іс қозғалды.
Тәркіленген балық жауапты сақтауға берілді. Тергеу жалғасып жатыр.
