Арқанға асылып, қабырға бояған: Алматыда жұмысшының қауіпті әрекеті видеоға түсті

Фото: видеодан скрин

Алматыда жұмысшы биікте арқанға сүйеніп тұрып, Үлкен Алматы өзенінің бойындағы қабырғаны бояған сәт видеоға түсіп қалды.

Оқиға Әл-Фараби даңғылынан жоғары аумақта болғаны айтылады. Кадрдан ер адамның қабырға бойында салбырап тұрғаны көрінеді, алайда оның толыққанды сақтандыру жүйесін пайдаланған-пайдаланбағанын видеодан нақты анықтау мүмкін емес. Мұндай жағдайда жұмыс беруші еңбек қауіпсіздігін қамтамасыз етіп, биікте жұмыс істейтін қызметкерді қажетті қорғаныс құралдарымен қамтуға міндетті. Әзірге бұл жұмысты қай мекеме немесе мердігер компания жүргізгені және Алматы қаласы әкімдігінің оқиғаға қатысты ұстанымы белгісіз. Жағдайға еңбек инспекциясы мен жауапты қалалық органдардың баға бергені жөн.

Видео: @almaty_typical