Елена Рыбакина Цинциннатидегі турнирдің екінші айналымында жеңіске жетті

Сурет: turkystan.kz

Қазақстанның бірінші ракеткасы Елена Рыбакина АҚШ-тың Цинциннати қаласында өтіп жатқан WTA 1000 санатындағы турнирдің екінші айналымында сәтті өнер көрсетті. Әлемдік рейтингте екінші орында тұрған қазақстандық теннисші алғашқы айналымда босатылып, 1/32 финалда WTA рейтингінің 94-сатысындағы америкалық Тейлор Таунсендпен кездесті. Матч екі сетке созылып, Рыбакина 6:3, 6:4 есебімен басым түсті.

Корттағы бәсеке 1 сағат 19 минутқа созылды. Осы уақыт ішінде Елена бес эйс жасап, бір қос қателік жіберді, ал төрт брейк-пойнттың үшеуін сәтті пайдаланды. Келесі айналымда ол Польша өкілі Магдалена Френхпен (WTA №41) кездеседі. Френх өз кезегінде латвиялық Елена Остапенконы (WTA №30) турнирден шығарды.

Айта кетейік, өткен жылы Рыбакина Цинциннатидегі WTA 1000 турнирінің жартылай финалына дейін жеткен еді. Биыл ол 390 рейтингтік ұпайын қорғауы тиіс.