Оңтүстік Африка Республикасында қоқыс үйіндісі құлап, 14 адам опат болды

Оңтүстік Африка Республикасының солтүстік-батысында қоқыс үйіндісі опырылып, 14 адам опат болды.

Тағы 8-і жараланған. Жергілікті полицияның мәліметі бойынша, тұрғындар қараусыз қалған кеніш аумағынан платина алып жатқан. Бұл елде заңсыз кен өндіру өте кең таралған кәсіп болып тұр. Оңай олжа тапқысы келгендер жабық нысандарға кіріп, қазба жұмыстарымен айналысады.

Билік: «Олардың артында кәнігі қылмыстық топтар тұр», — деп есептейді. 

Ресми мәлімет бойынша, осындай заңсыз іс-әрекеттер елдің тау-кен саласына жүздеген миллион доллар шығын әкеледі.

Фото: energyprom.kz