«Челси» мен «Джохор» арасындағы матч 3:3 есебімен тең аяқталды
«Челси» мен «Джохор» арасындағы матч 3:3 есебімен тең аяқталды. Қазақстандық Дастан Сәтпаев алаңға шығып, екі нәтижелі пас берді.
Сурет: tengrisport.kz
«Челси» мен «Джохор» арасындағы матч 3:3 есебімен тең аяқталды. Кездесу Малайзияның Джохор қаласындағы «Искандар Султан» стадионында өтіп, лондондық клубтың Азия-Австралиядағы маусым алдындағы турнесін қорытындылады, деп хабарлайды Qazaqtoday.info сайты.
Ойынның 15-минутында малайзиялық жартылай қорғаушы Ариф Айман есеп ашты. 43-минутта «Челси» шабуылшысы Лиам Делап пенальтиден гол соғып, есепті теңестірді. 19 минут өткен соң ол тағы бір пенальтиді дәл орындап, командасын алға шығарды. Алайда 65-минутта испаниялық вингер Оскар Аррибас «Джохор» үшін екінші голды соғып, теңдікті қалпына келтірді. 87-минутта бразилиялық Бергсон үй иелерін алға шығарды — 3:2.
Осы голдан кейін алаңға қазақстандық Дастан Сәтпаев шықты. Ол сенегалдық Николас Джексонды алмастырды. 7 минут ішінде Сәтпаев екі дәл пас беріп, бір рет финалдық үштікке дәл жеткізді. Ал 89-минутта лондондықтар испаниялық қорғаушы Антонио Глаудердің автоголы арқылы жеңілістен құтылып, матч 3:3 есебімен тең аяқталды.
