Алматыда еріктілер екі аптадан бері жоғалған әйелді іздестіруде
1986 жылы туған Назым Жакишева 13 шілдеде Қызылордадан шығып, Алматыдан көрінгеннен кейін із-түзсіз жоғалды. Еріктілер оны табу үшін екі аптадан бері іздеу жүргізуде.
Сурет: tengrinews.kz
Екі аптадан бері Алматыда еріктілер жоғалған әйелді таба алмай жүр, деп хабарлайды Qazaqtoday.info сайты.
1986 жылы туған Жакишева Назым Тусипбаевна 13 шілдеде жоғалды. Түстен кейін сағат 13:30 шамасында әйел Қызылорда қаласындағы үйінен шыққан. Келесі күні таңертең ерте оны Алматының Наурызбай ауданы, Ашимов көшесінде көрген.
Белгілері: бойы – 165 сантиметр, орташа дене бітімі, шашы қара, ұзын. Үстінде ұзын жеңді қызғылт кофта, қара блузка, көк шалбар, қара балетка аяқ киім болған. Күннен қорғайтын көзілдірік таққан.
