Семейде балалар аулада тұрған көлікті өртеп жіберді
Семейде балалар аулада тұрған көлікті өртеп жіберді. Полиция оқиғаға үш баланың қатысы бар екенін анықтады. Алты жасар баланың ата-анасы шығынды өтейді.
Семейде аулада тұрған көлік отқа оранды. Куәгерлердің айтуынша, көлік тұрғын үйге жақын орналасқан. Өрт көпқабатты үйдің терезелері маңындағы ағаштарға да жайылған. Бұл туралы Qazaqtoday.info сайты хабарлайды.
Полиция қызметкерлері өрт басталар алдында көлік маңында үш баланы байқаған. Алдын ала болжам бойынша, балалардың біреуі сіріңке пайдаланып, көлік жанындағы құрғақ өсімдіктерді тұтандырған. От жайыла бастағанда балалар қорқып қашып кеткен.
Қазіргі уақытта алты жасар баланың ата-анасы көлік иесіне келтірілген шығынды өтеуге міндетті.
