Қырғызстан ЕАЭО елдеріне мұнай мен мұнай өнімдерін экспорттауға уақытша тыйым салды
Қырғызстан үкіметі ЕАЭО елдеріне мұнай өнімдерін экспорттауды уақытша тоқтатты. Шектеу ішкі нарық тұрақтанғанша күшінде. Қытайдан импортқа шектеу 2027 жылға дейін алынды.
Қырғызстан үкіметі Еуразиялық экономикалық одақ (ЕАЭО) мемлекеттеріне мұнай мен мұнай өнімдерін автомобиль және теміржол көлігімен жөнелтуге уақытша тыйым салды. Бұл шектеу ішкі нарық толық қамтамасыз етілгенше немесе ЕАЭО-ның ортақ мұнай нарығы құрылғанша күшінде болады, деп хабарлайды Qazaqtoday.info сайты.
Сонымен қатар, Қырғызстан 2027 жылдың 1 сәуіріне дейін Қытайдан бензин таситын автоцистерналар арқылы мұнай өнімдерін импорттауға бұрын қойылған шектеуді уақытша алып тастады. Бұл ішкі нарықты тұрақты отынмен қамтамасыз етуге бағытталған шара ретінде бағалануда.
Айта кетейік, бұған дейін Қазақстан да дәл осындай шешім қабылдап, ЕАЭО елдеріне мұнай өнімдерін экспорттауға шектеу енгізген болатын.
