Жол емес, батпақ: Арқалық әкімдігі Ашутасты халқын қашанға дейін елеусіз қалдырмақ?

Фото: видеодан скрин
Жауын жауса болды, Арқалық пен Ашутасты ауылын байланыстыратын тасжол нағыз тозаққа айналады. Соңғы жауын-шашыннан кейін жолдың сиқы қашып, тұрғындардың қалаға қатынауы мүлдем мүмкін болмай қалды, деп хабарлайды Qazaq Today ақпарат порталы. 

Ашутастылықтар күнделікті жұмысқа бару, ауруханаға науқас тасу сияқты ең қарапайым құқықтарынан айырылып, батпаққа батып отыр. Жергілікті әкімдік жыл сайын бюджеттен миллиондар бөлінгенін айтып есеп бергенімен, халықтың көріп отырған нақты нәтижесі — мынау ми батпақ пен шұрық-тесік жол. Ал «ҚазАвтоЖол» ұлттық компаниясы халықаралық маңызы бар күре жолдардың сапасын реттей алмай жатқанда, аймақтардағы ішкі жолдардың мынадай мүшкіл күйге түсуі таңғаларлық жағдай емес. Тұрғындар Арқалық қаласының әкімдігінен құрғақ уәде емес, жедел түрде нақты жөндеу жұмыстарын бастауды талап етеді.

Видео: @arkalyk.news