Қамсыз іс қайғыға әкеледі: Талғарда әйел үш баласымен бірге суға кетіп қала жаздады (ВИДЕО)
Фото: скриншот
Алматы облысында қайғылы жағдай орын ала жаздады. ТЖД қызметкерлері Талғар өзеніндегі аралдан жас ананы үш баласын бірге құтқарып алды, деп хабарлайды Qazaqtoday.info.
ТЖМ таратқан видеоға қарасақ, әйел балаларымен шомылып жүріп, аралға жеткен. Алайда, жағаға шығарда, өзеннің ағысы күшейіп, жете алмай қалған.
«Оқиға орнына келген құтқарушылар карабин мен өрт сөндіру белдігі арқылы құтқару арқанын бекітіп, өзен арқылы қауіпсіз өткел жасаған. Осылайша, құтқарушылар 13 минут ішінде әйел мен оның үш баласын аман-есен жағаға алып шыққан», — деп хабарлайды ТЖМ.
