Алматыда оқу-жаттығу кезінде граната жарылып, полицейлер зардап шекті
Алматыда полицияның оқу-жаттығуы кезінде жарық-дыбысты граната жарылды. Салдарынан бірнеше қызметкер жарақат алып, қызметтік тексеріс басталды.
Алматыда күштік құрылымдардың жоспарлы оқу-жаттығуы кезінде жарық-дыбысты граната жарылып, бірнеше полицей жарақат алды, деп хабарлайды Qazaqtoday.info сайты.
Қалалық Полиция департаментінің ақпараты бойынша, граната белгіленген уақыттан ерте іске қосылған. Салдарынан жақын маңда тұрған қызметкерлер зардап шегіп, оларға дереу медициналық көмек көрсетілді.
Қазіргі уақытта аталған факті бойынша қызметтік тексеріс жүргізіліп жатыр. Оқиғаның мән-жайы анықталуда.
