Ақтөбеде көпқабатты тұрғын үй отқа оранды
Фото: ҚР ТЖМ
13 мамырда таңертең Ақтөбе қаласының Сәңкібай батыр даңғылында орналасқан көпқабатты тұрғын үй өртенген. Бұл туралы QazaqToday.info ақпараттық порталы хабарлайды.
Өрт сөндірушілер оқиға орнына жеткенде қою түтін шығып жатқанын көреді. Құтқарушылар екінші қабаттағы пәтердегі 5 шаршы метр аумақта үй жиһаздары мен тұрмыстық заттарды жедел түрде сөндірді.
Олар баспалдақ пен автосаты көмегімен 6 адамды, оның ішінде 3 баланы құтқарды. Сонымен бірге 72 адам өз бетінше далаға шықты.
Қазір өрттің шығу себебі анықталып жатыр.
