Теміртауда тәрбиеші баланы ұрған (ВИДЕО)
Фото: Видеодан алынған кадр
Теміртауда балабақшада болған жағдай қоғамды дүр сілкіндірді. Әлеуметтік желіде тараған видеода тәрбиешінің баланы ұрып жатқан сәті анық көрінеді. Бұл туралы QazaqToday.info ақпараттық порталы хабарлайды.
Оқиға «Айгөлек» балабақшасында болғаны айтылып отыр. Кадрларда бала тапсырманы орындай алмай қалғаны үшін қысым көргені байқалады.
Тәрбиеші баланың қолы мен иығына бірнеше рет соққы жасаған. Бұл жағдайды ата-ана өзі жариялап, дабыл қаққан.
Оның айтуынша, бала қауіпсіз ортада емес, қорқыныш ішінде жүрген.
Қалалық білім бөлімі тексеріс басталғанын хабарлады. Қазір қызметтік тергеу жүріп жатыр, нәтижесіне қарай шара қолданылмақ.
Мұндай жағдайдың қайталанбауы үшін нақты бақылау керек деген талап күшейіп отыр.
