Қазақстанда мектеп оқушылары оқу жылындағы ең ұзақ, 10 аптаға созылған үшінші тоқсаннан кейін көктемгі демалысқа шықты, деп хабарлайды Qazaqtoday ақпарат агенттігі.
Демалыс 19 наурызда басталып, 29 наурызға дейін, яғни 11 күнге созылады. Оқушылар сабаққа 30 наурызда қайта оралады. Төртінші тоқсан 25 мамырда аяқталады.
Бұл демалыс ата-аналардың қашықтан оқыту сапасына қатысты шағымдары аясында өтіп жатыр. Қыста сабақтардың жиі тоқтатылуына байланысты көптеген ата-ана оқу үлгерімінің тиімділігіне алаңдаушылық білдірген болатын.
Осыған орай Оқу-ағарту министрлігі арнайы жұмыс тобын құрды. Сарапшылар оқушыларға түсетін жүктемені азайтып, білім сапасын арттыру үшін Бөлім бойынша жиынтық бағалау (БЖБ) мен Тоқсандық жиынтық бағалау (ТЖБ) форматын қайта қарастырады.
Фото: Әлеуметтік желіден
