Қазақстанның бірінші ракеткасы Елена Рыбакина биылғы маусымдағы басты мақсаты – әлемдік рейтингте көш бастау екенін мәлімдеді, деп хабарлайды Qazaqtoday ақпарат агенттігі.
Спортшы Әйелдер теннис қауымдастығы (WTA) рейтингінің бірінші сатысына көтерілуді көздейтінін ашық айтты. Ол бұл межені өзінің спорттық мансабындағы келесі маңызды қадам санайды.
«Бұл – менің келесі үлкен мақсатым. Биыл осы межеге жетуге бар күшімді саламын», — деді Рыбакина.
Айта кетейік, қазіргі уақытта Елена Рыбакина әлемдік рейтингте 4-орында тұр.
Фото: Әлеуметтік желіден
