Ербол Хамитов қысқы Паралимпиада ойындарының чемпионы атанды
Фото: ҰОК/ Сали Сабиров
Италияда өтіп жатқан қысқы Паралимпиада ойындарында ел қоржынына екінші жүлде түсті. Бұл туралы QazaqToday.info ақпараттық порталы хабарлайды.
Қазақстандық спортшы Ербол Хамитов пара биатлоннан алтын медаль иеленіп, жеңіс тұғырының ең жоғарғы сатысына көтерілді.
Отандасымыз 4,5 шақырымдық із қуу сайысында (отырып) топ жарды.
Айта кетейік, бұған дейін Ербол Хамитов пара шаңғы жарысында қола медаль жеңіп алған болатын.
Спортшымызды тарихи жеңісімен құттықтаймыз!
