Шымкентте тағы өрт шықты: көлік базарында шыққан тілсіз жау халықты әбігерге салды

Шымкент қаласында орналасқан көлік базарларының бірінде өрт шықты. Оқиға орнынан түсірілген видеода базар аумағын қалың түтін басып, өрт сөндіру техникасы жұмыс істеп жатқанын көруге болады. Куәгерлердің айтуынша, жалын сауда орындары орналасқан бөліктен шыққан.

Қазіргі уақытта құзырлы органдар өрттің нақты шығу себебін анықтап жатыр. Алайда бұл Шымкенттегі соңғы кездегі алғашқы жағдай емес. Бұған дейін де қаладағы сауда орындары мен базар аумағында бірнеше рет өрт тіркелген. Соған қарамастан қауіпсіздік талаптарының сақталуы мен бақылау мәселесі әлі де толық шешілмей отыр.

Тұрғындар әлеуметтік желіде қала әкімдігін де сынға алып жатыр. Олардың пікірінше, базарлар мен сауда орындарындағы қауіпсіздік талаптары қағаз жүзінде ғана қалып, іс жүзінде дұрыс қадағаланбайды.

Видео: oyan_media