Президент Қасым-Жомарт Тоқаев Біріккен Араб Әмірліктері, Сауд Арабиясы, Катар, Бахрейн және Кувейт басшыларына арнайы үндеу жолдап, қиын-қыстау кезеңде бауырлас халықтарға қолдау білдірді, деп хабарлайды Qazaqtoday ақпарат агенттігі.
Мемлекет басшысы Қазақстан үшін достас әрі бауырлас мемлекеттердің егемендігі мен қауіпсіздігіне нұқсан келтіретін кез келген әскери әрекетті қатаң айыптайтынын мәлімдеді.
«Біздің еліміз кез келген күрделі халықаралық мәселені және қарулы қақтығысты тек дипломатиялық жолмен шешуді табанды түрде жақтайды», – делінген Президент жолдауында.
Сонымен қатар Қасым-Жомарт Тоқаев Қазақстанның бауырлас араб елдеріне шамасы келгенше көмек көрсетуге әзір екенін жеткізді. Ол аталған елдердің жоғары басшыларымен тұрақты жұмыс байланысын жалғастыруға ниетті екенін атап өтті.
Фото: Әлеуметтік желіден
