Петропавлда қаңғыбас иттер көбейді: ата-аналар дабыл қағуда
Фото: Pixabay
Петропавл қаласында қаңғыбас иттер мәселесі қайтадан ушығып тұр. Тұрғындардың айтуынша, Подгора ауданында мектепке бара жатқан балаларға бір топ ит агрессия танытқан. Осы жағдайдан кейін ата-аналар балаларын өздері апарып, өздері қарсы алуға мәжбүр болған. Бұл туралы QazaqToday.info ақпараттық порталы хабарлайды.
«Қашанға дейін қаңғыбас иттерді көтереміз? Олар адамдарға, тіпті балаларға шабуылдайды», – дейді тұрғындар.
Көшеде емін-еркін жүрген иттер саны артқан. Әсіресе жеке сектор аумағында қауіп күшейгені айтылады.
Жұртшылық тиісті мекемелерден нақты әрекет күтеді.
Видео: Instagram @vesti_sko
