Каспий үстінде адасқан: Ресейдің Су-30 ұшағы Атырауға шұғыл қонды

Ресейлік Су-30 жойғыш ұшағы Атырау қаласының әуежайына шұғыл қонды. Оқиға 20 ақпанда Каспий теңізінің үстінде оқу-жаттығу ұшуы кезінде болған, деп хабарлайды Qazaqtoday ақпарат агенттігі.

Алдын ала мәліметтер бойынша, әскери ұшақтың ұшқышы бағдарынан жаңылып қалған. Осыған байланысты ол жақын маңдағы әуеайлаққа қонуға мәжбүр болды.

Ұшақ аман-есен қондырылды. Бұл оқиға Атырау әуежайының жұмыс кестесіне еш әсер етпеді, барлық рейстер уақытылы орындалды.

Ұшқышқа қажетті медициналық көмек көрсетіліп, тиісті келіссөздер жүргізілгеннен кейін Су-30 ұшағы Ресейге қайта ұшып кетті.

Фото: Әлеуметтік желіден