Аралас жекпе-жектен UFC-дің бұрынғы чемпионы Хабиб Нұрмагомедов Ресейдегі барлық бизнесінен бас тартып, инвестициясын Біріккен Араб Әмірліктеріне ауыстырды, деп хабарлайды Qazaqtoday ақпарат агенттігі.
Бұл шешім Ресейде біраз талқылау тудырды. Осыған орай Ресей Мемлекеттік Думасының депутаты Ирина Роднина спортшының әрекетінен ешқандай заң бұзушылық көрмейтінін айтты.
«Ол – еркін адам. Кез келген елде бизнеспен айналысуға толық құқығы бар. Егер ол Ресей Федерациясының азаматы ретінде барлық салықты төлеп жатса, ешқандай мәселе жоқ», – деді депутат.
Хабиб Нұрмагомедовтың БАӘ-дегі жылдық табысы шамамен 46 миллион долларға бағаланып отыр. Спортшы бұл елде түрлі бизнес жобаларды, соның ішінде спорттық тамақтану және фитнес саласын дамытуды қолға алған.
Фото: Әлеуметтік желіден
