СҚО-да 19 жастағы жігіттің мәйіті табылды
Фото: Pixabay
Солтүстік Қазақстан облысының Мамлүт ауданында 19 жастағы ер адамның денесі табылды. Бұл туралы QazaqToday.info ақпараттық порталы Петропавловск.news басылымына сілтеме жасап хабарлайды.
Облыстық Полиция департаментінің мәліметінше, жас жігіттің денесі 15 ақпан күні Леденево ауылында табылған. Алдын ала дерекке сәйкес, оқиға суицид ретінде қарастырылып отыр.
Аталған факті бойынша қылмыстық іс тіркелді. Қазіргі уақытта болған жағдайдың себептері мен мән-жайы анықталып жатыр. Тергеу мүддесіне байланысты өзге ақпарат жария етілмейді.
