Қол астындағыларға ұлының оқу ақысын төлеткен шенеунік сотталды

Ол бизнес өкілдеріне ұлының оқуына 1,4 млн теңге сомасында ақы төлетіп, құны 6,8 млн теңге дизель отынын беруге мәжбүрлеген. Дінмұхаммед Әбсаттаров заңсыз нұсқаулар беріп, лауазымдық өкілеттіктерін асыра пайдаланғаны үшін кінәлі деп танылды, деп хабарлайды Qazaq Today ақпарат порталы. 

Бұдан бөлек, шенеунік өңір кәсіпорындарының сұйытылған газдың тиісті көлемін алу құқығын шектеп, бизнес субъектілеріне 26,9 млн теңге сомасында залал келтірген. Осылайша ол заңды кәсіпкерлік қызметпен айналысуға кедергі жасағаны үшін де сотталды.

“Әбсаттаров мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойына және 9 ай бас бостандығынан айырылды. Сондай-ақ мемлекеттік награда «Ерен еңбегі үшін» медалінен айыру туралы ұсыныс енгізілді”, – делінген хабарламада.