Nestlé Қазақстанда кейбір бала тағамдарын кері қайтарып жатыр

Nestlé компаниясы Қазақстанда сатылған балаға арналған кейбір құрғақ сүт өнімдері мен емдік қоспалардың белгілі бір партияларын ерікті түрде нарықтан алып тастап жатыр. Бұл шешім жеткізушіден алынған шикізат құрамындағы мүмкін болатын церевлид токсині анықталған соң қабылданған, деп хабарлайды Qazaqtoday ақпарат агенттігі.

Кері қайтарылуға жататын өнімдердің қатарына құрғақ сүт пен қышқыл сүт қоспалары, сондай-ақ аминқышқылдары негізіндегі емдік тағам түрлері кіреді. Арнайы тексеру барысында арахидон қышқылы құрамында церевлид аталатын улы зат болуы мүмкін деген күдік туған.

«Бұл шара – алдын алу мақсатында қабылданып отыр. Проблемалы компонент мөлшері тым аз және қазіргі уақытта Қазақстанда церевлидке қатысты нақты шектеу белгіленбеген. Соған қарамастан, тұтынушылардың денсаулығын қорғау – біздің басты басымдығымыз», – деп мәлімдеді компания өкілдері.

Өнімдерді кері қайтару шаралары 5 қаңтардан басталды. Тұтынушылар тауарды қайтару тәртібі туралы ақпаратты Nestlé-дің ресми сайтынан біле алады.

Фото: Әлеуметтік желіден