Алматыда интернет пен банк қосымшалары бір мезетте істен шықты
Алматыда интернетпен қоса, бірнеше банктің мобильді қосымшалары уақытша істен шықты. Қазір техникалық жұмыстар жүргізілуде.
Фото: pexels.com
Алматыда таңертеңнен бері мобильді интернет пен бірнеше банк қосымшалары дұрыс жұмыс істемей жатыр. Қала тұрғындары желіге қосыла алмай, қаржылық қызметтерден уақытша үзілді.
Бұл туралы Qazaqtoday ақпарат агенттігі хабарлайды.
Kcell / Activ өкілдерінің айтуынша, байланыс қызметіндегі іркіліс «оператордың бақылауынан тыс жағдайларға» байланысты туындаған. Аталған операторлар ақаудың нақты себебін жариялаған жоқ.
Сонымен қатар, Отбасы банк пен Halyk Bank қосымшалары арқылы қызмет алу мүмкін болмай қалды. Қолданушылар жүйеге кіре алмай, «Сұраныстар тым көп. Кейінірек қайталап көріңіз» деген хабарлама алып жатыр.
Интернет ақауы банктер қызметіне де әсер етті
Отбасы банк те техникалық ақауға байланысты Баспана маркет платформасының уақытша қолжетімсіз екенін мәлімдеді. Қазіргі таңда банктер техникалық жұмыстар жүргізіп жатқанын хабарлап отыр.
Мамандар интернеттегі осындай күрделі іркілістер қаржылық сервистердің жұмысын тежейтініне назар аударады. Қазір бұл проблема тек Алматыда ғана емес, басқа өңірлерде де байқалып жатқаны хабарлануда.
