Қарашығанақтың қастандығы: БҚО-да 264 тонна зиянды заттарды төккен компанияға айыппұл салынды
Сурет: expertonline.kz
“Қарашығанақ Петролеум Оперейтинг” компаниясы қоршаған ортаға нормативтен тыс эмиссиялар шығарған, деп хабарлайды Qazaq.today.
Бұл туралы Батыс Қазақстан Облыстық прокуратурасының баспасөз қызметі мәлімдеді.
“БҚО мамандандырылған табиғат қорғау прокуратурасы «Қарашығанақ Петролеум Оперейтинг Б.В.» АҚ (бұдан әрі — Компания) қызметінде қоршаған ортаға ластаушы заттардың нормативтен тыс шығарындылары мен төгінділерінің жалпы көлемі 264 тонна фактілерін анықтады. Осыған байланысты қадағалау актісі бойынша Компания ӘҚБтК-нің 328-бабы бойынша әкімшілік жауапкершілікке тартылды (Қоршаған ортаға жол берілетін антропогендік әсер ету нормативтерін бұзу), жалпы сомасы 739 568 808 теңгеге айыппұлдар толығымен өндірілді”, – делінген прокуратура хабарламасында.
