11 млн теңге: Павлодарда күзет ұйымының директорына қарақшылық шабуыл жасалды
Фото:Polisia.kz
Павлодар облысында күзет ұйымының директорына қарақшылық шабуыл жасалды. Қарақшылар директордың үйін тонап, қомақты қаражатты алып кеткен, деп хабарлайды Qazaq.today.
ҚР Ішкі істер министрлігінің баспасөз қызметі мәліметінше, барымташылар табылған.
“Павлодар облысының жедел қызметкерлері жедел-іздестіру іс-шараларының нәтижесінде Екібастұз қаласында өңірдің ірі күзет ұйымдарының бірінің директорына қарақшылық шабуыл жасады деген күдіктілерді анықтап, ұсталды. Күдіктілер пәтерге заңсыз кіріп, жалпы сомасы 11 млн теңгеден астам мүлікті иемденгені анықталды. Тінту жүргізу барысында заттай дәлелдемелер алынды. Қазіргі уақытта одан әрі жедел-тергеу іс-шаралары жүргізіліп жатыр. Бірқатар сараптамалар тағайындалды”, – деді Ұйымдасқан қылмысқа қарсы күрес басқармасының бастығы Ғабит Қабдрахманов.
Қазіргі таңда, күдіктілер УҚИ-ге қамалған. Қылмыстық істі тергеу жалғасуда.
