“Екібастұзда 1 жарым айға жуық ыстық су берілмейді” — қалада жылу желілеріне жөндеу жұмыстары жүргізіліп жатыр

«Екібастұзтеплоэнерго» ЖШС тозығы жеткен жылу желілерін анықтайтын гидравликалық сынақтарға кірісті, деп хабарлайды Qazaq.today Halyq.uni-не сілтеме беріп.

Павлодар облысы әкімінің баспасөз қызметінің жазуынша, қазір жылу желілерінен 119 ақау табылған. Оның 25-іне жөндеу жұмыстары басталды. Өңір әкімі Асайын Байханов құбыр ауыстырылатын 4 учаскеде болып, жөндеу жұмыстарын жүргізуге жауапты Grappa-Stroy ЖШС базасына барды.

Мердігер материал мен жабдықтың жеткілікті екенін айтады. Қазір бір уақытта 25 бригада жұмыс істеп жатыр. Олардың айтуынша, жылу желілерін жөндеу жұмыстары 10 маусымда аяқталады.

Сапалы жұмыс істеу үшін ыстық су беруді 10 маусымға дейін қысқарта тұру туралы нақты жоспарымыз бар. Оны ұстану керек. Сондай-ақ алдағы жылыту маусымына үйлерді дайындау үшін жекеменшік пәтер иелері кооперативінің жұмысын бақылау қажет, — деді Асайын Байханов.

Qazaq.today