Қырғызстан Асқар Ақаевқа экс-президент мәртебесін қайтарудан бас тартты
Фото: paryz.kz
Асқар Ақаев елді 1990 жылдан 2005 жылға дейін басқарды. Қырғызстанның Жоғарғы Кеңесі отырыста қашқын президент Асқар Ақаевқа экс-президент мәртебесін қайтару туралы өтініштен бас тарту туралы шешім қабылдады, деп хабарлайды Qazaq Today ақпарат порталы.
Естеріңізге сала кетейік, 3 қыркүйекте Жоғарғы Кеңеске Асқар Ақаевтан экс-президент мәртебесін қайтару туралы хат келіп түскен болатын. Хат Конституциялық заңнама, мемлекеттік құрылым, сот-құқықтық мәселелер мен ЖК регламенті жөніндегі комитетке жолданды және оның мүшелері депутаттарға өтінішті қанағаттандырудан бас тартуды ұсынды. Парламентшілер комитеттің ұсынысын қолдады.
Асқар Ақаев 1990 жылы билікке келіп, елді 15 жыл бойы басқарды. 2005 жылы 24 наурызда отбасылық, авторитарлық және сыбайлас жемқорлыққа қарсы Қызғалдақ төңкерісі нәтижесінде ол құлатылды. Нәтижесінде Ақаев Қырғызстаннан қашып, басында Беларусьте тұрып, кейіннен Ресейге көшті.
