Ғарыштан келген белгісіз радиосигнал ғалымдарды сарсаңға салды

Фото: Pixabay

Жақында австралиялық Askap телескопы ештеңеге ұқсамайтын радиотолқынды анықтады. Ғалымдардың айтуынша, бұл өте ерекше нейтрондық жұлдыз болуы мүмкін. Себебі телескопқа түскен цикл бір сағатқа созылып, кейде әлсіз, кейде күшті импульстар шығарған. Бұл туралы Qazaq Today ақпарат порталы naukatv порталына сілтеме жасап хабарлайды. 

Кейде астрономдар арнайы телескоптар арқылы ғаламның кең кеңістігінен келетін радио толқындарды қарайды. Олардың кейбіреуі бір рет қана жыпылықтап, кейін мүлдем жоқ болып кетеді. Ал басқалары болжамды заңдылықтар бойынша жарқырап, кейін сөнгені көрінеді.

Алайда осы Askap j1935 + 2148 нысанындағы сигнал көпшіліктің назарын аудартты. Себебі ол дөңгелек поляризацияланған радиотолқындардан тұрды. Яғни толқындардың бағыты сигнал кеңістік арқылы өткен сайын өзгеріп отырды. Адамның көздері дөңгелек поляризацияланған жарықты поляризацияланбаған жарықтан ажырата алмайды. Дегенмен ASKAP мыңдаған поляроидты күннен қорғайтын көзілдірік ретінде жұмыс істейді.

Сигнал алғаш анықталғаннан кейін астрономдар бірнеше ай бойы қосымша бақылаулар жүргізді. Осы уақыт ішінде Askap J1935+2148 бұрын-соңды табылған ең баяу радио өтпелі процестерді шығаратынын түсінуге болады. Осы уақытқа дейін осындай екі нысан ғана табыған.

“Объектінің үш күйі бар. Бірінші күйде ол 10-50 секундқа созылатын жарқыл, сызықты поляризацияланған импульстарды шығарады. Екінші күйде шамамен 370 миллисекундқа созылатын әлдеқайда әлсіз, дөңгелек поляризацияланған импульстар болды. Үшінші күйде — тыныш немесе әлсіреген ешқандай импульс болған жоқ. Ғалымдардың пікірінше, объектінің әртүрлі режимдері және олардың арасындағы ауысуы күрделі магнит өрістерінің барын білдіреді. Одан бөлек плазма ағындарының көздің қоршаған кеңістіктегі күшті магнит өрістерімен өзара әрекеттесуінің нәтижесі болуы мүмкін”, –  деп жазды Astronomy.

Осындай ұзақ циклі бар сигналдың шығу тегі ғалымдар үшін үлкен құпия болып отыр. Себебі бұл – баяу айналатын нейтронды жұлдыз. Алайда, объект өз энергиясын сарқып алған жер өлшемімен бірдей ақ ергежейлі жұлдыз болуы мүмкін. Ақ ергежейлілер көбінесе баяу айналады. Бірақ олардың мұндай радио сигналдарды қайдан шығаратыны белгісіз. Тағы бір факт ол басқа көрінбейтін жұлдызды айналып өтетін екілік жүйеде.