«440 млн теңге ұрлаған»: Алматыда екі компания басшысына қатысты тергеу аяқталды
ҚР ҚМА Алматы қаласы бойынша департаменті 436 млн теңге қаражатты ұрлау фактісі бойынша «AlanParking» ЖШС директоры М.О.Базарбаевқа және «Алматы спецтехпаркинг сервис» ЖШС директоры М.У. Принбековке қатысты қылмыстық істі тергеуді аяқтады, деп хабарлайды Qazaq.today ақпараттық порталы. Қылмыстық іс сотқа жіберілді.
«Қылмыстың негізгі сотталушы және ұйымдастырушысы Мұрат Боранбаев халықаралық іздеуге жарияланды. ҚМА Алматы қаласы бойынша департаменті қалалық прокуратурамен бірлесіп Алматы қаласы әкімдігінің коммуналдық меншігіне «Алматы Спецтехпаркинг Сервис» ЖШС 70% үлесін және «AlanParking» ЖШС 100% үлесін қайтару бойынша шараларын қабылдады»,-деп мәлімдеді ҚР Қаржылық мониторинг агенттігінің ресми өкілі Әлібек Әбділов.
