Екібастұз жылу электр станциясын жөндеуге бөлінген млрд теңге жымқырылған
Фото: gov.kz
Павлодар облысының прокуратурасы «Екібастұз МАЭС-2» АҚ-ны тексеру барысында 3-ші энергоблокты орнатумен жылу электр станциясын кеңейтуге және реконструкциялауға арналған қаражатты ысырап ету фактілерін анықтады, деп хабарлайды Qazaq Today ақпарат агенттігі.
Расталмаған жұмыстардың көлемі шамамен 1 млрд теңгені құрады.
«Қазақстан Республикасы Қылмыстық кодексінің 189-бабы (аса ірі мөлшерде мүлікті жымқыру) бойынша сотқа дейінгі тергеп-тексеру шеңберінде қылмыстың барлық мән-жайларын, залалдың түпкілікті сомасын және оған қатысы бар адамдар тобын анықтауға бағытталған тергеу шаралары жүргізілуде», — делінген Павлодар облысы прокуратурасының хабарламасында.
