Ербол Назарбаев Антикордағы қызметінен босатылды

Ербол Назарбаев Сыбайлас жемқорлыққа қарсы қызмет органдарынан шығарылды. Бұл туралы ведомство Telegram-дағы арнасында хабарлады.

«Сыбайлас жемқорлыққа қарсы қызмет қоғамдық желілерде таралып жатқан видеоға байланысты келесіні хабарлады: 2022 жылғы 26 қаңтарда агенттік төрағасының бұйрығымен Ербол Назарбаев агенттіктің Арнайы департаменті басшысының орынбасары қызметінен босатылды», — делінген хабарламада.

Ведомствоның мәліметінше, Ербол Назарбаев 14 сәуірде Сыбайлас жемқорлыққа қарсы қызмет органдарынан шығарылған.