23 жастағы қыз баланы сүйген: анасы әкімшілік жауапкершілікке тартылды
23 жастағы қыз баланы сүйіп, бейнежазба тарады. Полиция қызды анықтап, тексеру жүргізуде. Баланың анасы әкімшілік жауапкершілікке тартылды.
Желіде тараған бейнежазбада ересек қыздың кішкентай баламен сүйіскені көрінген. Полиция бейнежазбадағы қызды анықтады. Ол 23 жаста, баланың анасының құрбысы болып шықты.
Бұл туралы Qazaqtoday.info сайты хабарлайды.
Қазіргі уақытта қызға қатысты тексеру жүргізіліп жатыр. Тексеру аяқталған соң полиция оның әрекетіне құқықтық баға береді.
Осы кезде баланың анасы болып жатқан оқиғаны телефонға түсіріп алған. Ол баланы тәрбиелеу және оның қауіпсіздігін қамтамасыз ету міндеттерін тиісінше орындамағаны үшін әкімшілік жауапкершілікке тартылды.
Полиция ересектер балалардың жеке шекарасын сақтауға және балаға жайсыздық келтіруі мүмкін әрекеттерге жол бермеуге міндетті екенін еске салды.
