Португалия ЕО-дағы ең көп ішетін елдер рейтингісін басқарды
Еуростаттың соңғы деректері бойынша Португалия ЕО-дағы ең көп ішетін елдер рейтингісінде бірінші орында. Күнделікті алкоголь тұтынушылар үлесі 16%-ды құрады.
Фото: shutterstock
Еуростаттың өткен жылғы соңғы деректері бойынша жасалған Еуропалық Одақтағы ең көп ішетін елдер рейтингісінде Португалия көш бастады. Зерттеу 16 жастан асқан тұрғындардың күн сайын алкогольді ішімдік ішетіндердің үлесін бағалады.
Бұл туралы Qazaqtoday.info сайты хабарлайды.
Күнделікті алкогольді тұтынушылардың ең жоғары үлесі бар мемлекеттердің алғашқы бестігіне мыналар кірді:
- Португалия — халықтың 16%-ы
- Италия — 7,9%
- Бельгия мен Дания — 7,5%-дан
- Нидерланд — 6,3%
- Франция — 5,9%
ЕО бойынша орташа көрсеткіш 4,8%-ға тең. Статистика сонымен қатар гендерлік айырмашылықтың айтарлықтай екенін көрсетті: алкогольді тұрақты тұтыну (айына кемінде бір рет) ерлердің 56,5%-ында, ал әйелдердің тек 35,9%-ында кездеседі. Бұған қоса, еуропалықтардың 19,2%-ы апта сайын алкоголь ішеді, ал 21,8%-ы айына бір рет ішеді.
