Ахмет Байтұрсынұлының туғанына 154 жыл толды

Қазақтың ұлы тұлғасы, ұлт ұстазы Ахмет Байтұрсынұлының туғанына биыл 154 жыл толды. Ол – көрнекті ағартушы, ғалым, ақын, публицист және қоғам қайраткері ретінде қазақ халқының рухани дамуына орасан зор үлес қосқан тұлға.

Бұл туралы Qazaqtoday.info сайты хабарлайды.

Ахмет Байтұрсынұлы қазақ тіл білімінің негізін қалап, араб графикасына негізделген, қазақ тілінің дыбыстық жүйесіне бейімделген «төте жазу» әліпбиін жасады. Бұл әліпби қазақ халқының сауаттылығын арттыруда маңызды рөл атқарды. Ол «Қазақ» газетінің редакторы бола жүріп, ұлттық баспасөздің дамуына жол ашты. «Әліппе», «Тіл-құрал», «Қырық мысал», «Маса» секілді еңбектерінде халықты білім мен ғылымға, оқу-білімге шақырды.

Сонымен қатар, Алаш қозғалысының көрнекті қайраткері ретінде ол елдің азаттығы мен ұлттық мүддесі жолында белсенді қызмет етті. Оның есімі қазақ халқының тарихында мәңгілікке сақталады.