Астана метросының «Әуежай» станциясы 28 тамыздан бастап жабылады
Астанадағы Tarlan Astana жүйесінің «Әуежай» станциясы 28 тамыздан бастап бір айға жабылады. Жолаушыларға жабық өткел қолжетімді болады.
Фото: gov.kz
28 тамыздан бастап Астанадағы Tarlan Astana жүйесінің «Әуежай» станциясы уақытша жабылады, деп хабарлайды Qazaqtoday.info сайты.
Қала әкімдігінің мәліметінше, станцияда шамамен бір айға созылатын құрылыс жұмыстары жүргізіледі. Осы кезеңде жолаушылар Әуежайдың 2-терминалын LRT станциясымен байланыстыратын жабық өткелді пайдалана алады.
