Астанада 21 жыл бұрынғы кісі өлтіру қылмысы ашылды

Полиция 20 жылдан астам уақыт бұрын жасалған кісі өлтіру қылмысын ашты, деп хабарлайды QazaqTodayinfo.kz ақпарат порталы.

2005 жылдың маусымында елорданың шетінде зорлық-зомбылық белгілері бар ер адамның мәйіті табылған.

«Астанада 2005 жылы зорлық-зомбылық белгілері бар ер адамның мәйіті табылды. Айғақтардың болмауына байланысты қылмысты сол кезде ашу мүмкін болмады. Биыл полиция архивті қайта зерделеп, жедел-іздестіру іс-шараларын жүргізді. Нәтижесінде қылмысқа қатысы бар Павлодар облысының екі тұрғыны анықталды», – деді ІІМ криминалдық полиция департаментінің бастығы Қанат Нұрмағамбетов.

Полиция Павлодар облысының екі тұрғынының қылмысқа қатысы барын анықтады. Тамыз айында күдіктілер ұсталып, кісі өлтіргендерін мойындады.

Белгілі болғандай, қылмыс олар мас күйде болған кезде туындаған жанжал барысында жасалған. Күдіктілер қамауға алынды. Тергеу жалғасып жатыр.